LiuPay畫画Blog

壹零”壹壹” 歐洲三國旅遊記 (第二章)

續英國篇

介紹完倫敦交通，現在就講一下旅遊景點吧，
下圖是小弟去過的地方：

 
在下傑作= ="

For Shopping有
Oxford + Regent + Bone St. + Soho + Covent Garden …

For Sightseeing有
1. (Tower Bridge + London Tower + Tale Modern art gallery + 千禧橋) //
2. (Natural History + Victoria & Albert Museum + Harrods) //
3. (國會大樓 + 西敏寺 + Trafalgar Square + National Gallery + 白金漢宮 + 海德公園 +
London Eye + 大英博物館) //
4. Arsenal FC //
5. 格林威治…
ＷoＷ～數數下，原來倫敦真係都唔少野玩，
跟住落o黎就係時候將lee d景點根據就腳順路介紹一番=]

ＳＨＯＰＰＩＮＧ，基本上同本質上這個活動都應該要用行的，
中文話明係行街嘛。
上面幾個行街的地方都可以用「行」這個方法串通在一起。
不過男士請注意！！
如果你是和女士一起去的話，要有心理準備不停行街的啊…
不過老實說，要走馬看花來shopping也至少要３，４天全程行街，
而在聖誕節大減價的日子就更加要預多些時間。
倫敦減價真的很平，在香港減價通常都會再招牌上寫著「五折起」，
但在倫敦個「起」字會唔見左，
因為這裡商店減價就真的會半價賣貨。
不過，如果你的旅程還包括巴黎、米蘭的話就要先忍忍手，
因為那裡會比英國更平喔～

在Regent St. 和Oxford St. 交界，Topshop附近有間意粉幾正，
£7一個麵，£2杯可樂，
水就£0，不過就要自己斟先有得自己飲囉～
lee間野好食又幾平喎，叫做 VA PiANO，
絕對值得試下喔～
£7一個麵在HK而言好像很貴，
其實我都覺得係幾貴；
但如果你話英國(or歐洲)d野食特別貴咩．我又覺得唔係喎…
其實在HK去TST, MK or CWB食飯，
百幾蚊一餐都在所難免，同英國都係差唔多。
而好多人會覺得英國食野貴，
我諗係只係因為lee度無平o既選擇姐。
(P.s. 英國McDonald要£5/6，Subway, Pert A Manger個d都要£4，
既然快餐都要咁上下，而正正式式食一餐都只是£9/10左右，貴少少only…
不像在HK，Mc Donald $20/30蚊就有。)

Regent St.起點 - Piccadilly Circus

當有一天行街行到Oxford St. 近 Regent St.時，
可以去埋大英博物館；從那裡行去不太遠。
說到大英博物館，
老實說，未去之前我是十分期待；
但去過之後卻有點失望。
我原本以為它的展品會給我很大的震撼，
但好像除了埃及區的木乃伊之外，
其他的展品沒有給我很特別的感覺。
其實我是去完巴黎回到英國才去大英博物館，
相對羅浮宮，大英博物館的確比不上…
可能是這樣，大英博物館才帶不了驚喜給我。
(P.s. 其實佢地是不同類的博物館，我卻放在一起比較，
如果佢地有耳仔，聽到我咁講，可能都嬲呀= =”。)

大英博物館鎮館之寶 - 木乃伊

除了以上行街的行程外，London還有２個shopping點，
一個是我沒有去的歐洲最大mall，Westfield，
另一個就是戴安娜男友家族擁有的Harrods…
(P.s. 現在好像已經轉了手，但商場內仍有一座戴妃紀念銅像，
銅像下有個牌寫著：Innocent Victim)

Innocent Victim

行開Harrods，當日行程還可以加入
Science + Natural History + Victoria & Albert Museum同埋Kensington  Palace，
Harrods係地鐵Knightsbridge站，
向西搭一個站到South Kensington就會到lee 3個博物館。
當中Science Museum同埋Kensington Palace我沒有去，不清楚。
而V&A Museum就很悶；
如果說大英博物館展出的是大件、偉大、宏偉的展品，
那V&A收藏的就是精品，都是細細件而造工精美的，
但它的收藏品實在太多，令人找不到一個重點，
也沒有特別著名的展品，所以覺得很悶，漫無目的。
(P.s. 也許是我孤陋寡聞吧= =)
還有的是Natural History Museum，
是個化石、標本、模型博物館，
有好多恐龍化石同1:1的動物模型；
聽講lee個博物館入面有個地震體驗館，
地圖上面都寫著有，但在下就找不到；
總之lee個博物館就幾靚同埋幾好玩啦=]。

(P.s. 在這個博物館區，在街上是沒有可能找到餐廳的，
所以焗住要在博物館裡食。
我們在遊博物館這天是在V&A食晏的，都不錯～
給大家一點提示吧，
在英國以至歐洲，大部分餐廳飲水要收錢的，
而且是不便宜喔，動輒幾蚊 £ /€；
不過在V&A這間有得自斟自飲，
又慳返幾十蚊港紙 XD”)

來自V&A的盒子和Natural History的劍齒虎

去完shopping同好有文化地行完博物館之後，
係倫敦就緊係要去一下英女皇之家啦～
一朝早就先在海德公園門口hea下先，
但在冬天0”c環境下，在下實在沒有閒情逸致在公園的草坪上午睡= =”
由地鐵Hade Park Corner出發一直路行就會去到白金漢宮，
即係英女皇皇宮，亦即係有大頭士兵操兵o個個地方，
但好奇怪d士兵係穿灰色衫而不是紅色衫，
我印象中o既大頭士兵係穿紅色衫的嘛……
皇宮對出有個空地同有座都唔知叫做塔定石碑的東西，
其實lee度都幾無聊下，又唔係特別靚，悶悶地。
之後在皇宮正面方向一路走，
經過St. James Park就會去到Trafalgar Square，
St. James Park個湖冬天o既時候會結一層薄冰，
同埋整個草地會鋪滿雪，幾靚=]

在去英國之前，我不知道有Trafalgar Square lee個地方，
在搜集資料時才知道英國人在除夕倒數時喜歡聚集在這裡，
不知是什麼原因呢？
但既然是景點，也去一下吧。
在Trafalgar Square中央有座高柱，好像是紀念什麼戰爭的，
(P.s. 我是根據柱上的字估出來的= =”)
是紀念什麼都好啦，在那條柱上影相風景幾靚，
尢其爬上它的底座之後可以遠眺Big Ben，咁樣影仲靚。
在Trafalgar Square旁邊是National Gallery同埋National Portrait Gallery，
又是博物館藝術館類，但最好也去一下吧= =

↑遠眺Big Ben~                        0"c下瘋狂的外國人= ="↓

Trafalgar Square同埋兩個Gallery之後，
下一站是國會大樓 ，大笨鐘，London Eye。
由Trafalgar Square走到河邊就會望到London Eye，
要為這些倫敦地標拍照，最好的角度當然是從對岸拍過來，
所以要拍London Eye就趕快按下快門按鈕囉～
拍照之後沿河邊走就會去到大笨鐘&國會大廈，
大笨鐘是其實就是國會大廈的鐘樓，
去到鐘樓底當然要先近拍一張垂直照，
然後走過大笨鐘旁的Westminster Bridge，
再由對岸拍一個寬景的國會大樓和大笨鐘，正晒=]”

從這邊拍London Eye; 從那邊拍大笨鐘國會大樓;