LiuPay畫画Blog

壹零”壹壹” 歐洲三國旅遊記 (第四章)

續英國篇

遊完倫敦，英國其實仲有很多好去處，
有Bath巨石陣、溫莎城堡 等等。
而作為一個忠實o既曼聯fans，
曼徹斯特絕對是不容錯過。

在去曼徹斯特之前，我聽過不少人談及這個城市，
十居其九都說這個城市十分悶蛋。
其實，去過之後，在下亦都十分認同；
這個城市除了曼聯、曼城兩隊球隊o既球場之外，
好像已經沒有其他地方可去。
如果想行街，也可以在市中心逛逛商場，
但商店都和倫敦的一樣，沒有什麼特別的。
曼徹斯特也有唐人街，仲號稱全歐洲第三大添，
但當我去過之後，著實十分失望。
不過，曼徹斯特的電車系統還算有點特色，
為這個悶蛋城市爭回一些吸引力。
說了這麼多壞話，但我還是覺得這個地方非去不可，
事關作為一個曼聯迷，一生怎樣也要去一次奧脫福朝聖喔～

Welcomes to Manchester=]

由倫敦去曼徹斯特，當然要搭火車啦，
係英國搭火車有２個買飛方法，
一個係網上Credit Card買，一個就係walk-in買。
不過如果你問我邊個方法最抵，我都真係答唔到= =。
正正常常咁諗，網上預先訂飛當然係會平d啦，
而實際上都係，大多數情況都係平d，仲平唔少添，
比起walk-in買，每個人可以爭成十幾廿鎊；
但walk-in買有時又會有d特平車飛喎，仲平過上網買。
Walk-in買飛可以分為係售票機買同係櫃枱買；
係機買就一定貴嫁勒，係counter買就可能會有平飛，
不過lee樣係可遇不可求o既，要你主動問佢，
佢先可能會比lee d offer你，e.g. group ticket。
我地就試過去到車站先買飛，問到有group return ticket，
平過上網買２、３倍，仲唔洗set死時間同班車添。
(P.s. 係英國搭火車，網上訂飛會set死左時間同班車，
如果miss左唔可以搭第二班車嫁)

哈哈，講到咁上下，不經不覺已經到左Piccadilly, Manchester ；
(P.s. 二小時多車程左右)
大多數由倫敦去曼徹斯特o既火車
都係由Euston, London去Piccadilly Manchester火車站，
Piccadilly, Manchester可以話係曼徹斯特o既中央車站，
因為連曼徹斯特市內的鐵路Metrolink總站都係lee度。
曼徹斯特係無地下鐵o既，Metrolink其實係地面o既鐵路，
好似HK o既輕鐵咁；
同香港一樣，Metrolink無出入閘嫁，靠乘客自律買飛。
好似我lee d好市民緊係有買飛啦XD”
(心想： 唉，蠢晒，全日咁多程都無人check過飛…=_=)

Manchester Metrolink車飛　(P.s. 個樣好似英國火車飛,只係變左黃色~)

去到曼徹斯特，第一站緊係去曼聯啦～
落火車之後，走入車站大堂，之後轉左走到尾，落一層就是Metrolink站；
搭黃色線去Old Trafford。
(OLD TRAFFORD奧脫福@o@”””，多麼親切的名字♥o♥～～)
大概十五分鐘就到lu，第七個站下車；
下車之後橫過路軌，之後就有個好明顯o既路牌指向奧脫福球場。
(P.s. 因為係輕鐵類的電車，所以它的路軌是可以行過去的，
你喜歡的話仲可以坐係路軌影返張相添，不過要小心睇車喔！！)
其實由車站去球場只係行一條大直路，
中途經過３、４個十字路口，行１５至２０分鐘就去到。

去到球場正門，第一時間會見到４個銅像，
１個企係球場外牆，個個係畢樹比爵士，
係五、六十年前曼聯拎第一個歐聯冠軍o個個領隊；
而在這個銅像對面企了另外三個銅像，
分別是卜比查爾頓、丹尼士羅同佐治貝斯；
影兩張相就急急腳走入係正門口o既Mega Store lu。