LiuPay畫画Blog

今日係最後一日在這公司返工，

公司位於科學園…

所以係最後一日係科學園返工lu~

（以上3句好似講左d廢話= =””）

當初公司搬入科學園個時好鬼開心，

因為lee度環境舒服，又空曠，

d office又新，d大廈又靚，d路又闊~

（公司舊址在舊樓林立o既北角= =””）

其他人都話lee度好似美國矽谷d環境wo，

但我就覺得lee度似日本= =

（腦海畫面：日本新宿西口出面o既一堆商業大廈）

初時係科學園返工，放工仲會去踩一輪單車先返屋企= =”

又或者跑下步~

（係科學園跑入大埔再折返科學園，岩岩好係10公里，

岩晒跑渣打馬拉松d人練跑= =）

不過因為住得遠，越來越覺得返放工麻煩，

每日只有一班車返工，一班車放工，

一遲左或者OT就搭唔到，

焗住小巴、巴士轉地鐵，熬個半鐘返屋企…

不過點都好啦，今日係最後一日科學園o既上班生活，

Enjoy～

題外話：

自從係科學園返工，

就無再係放假o既時候去沙田租單車踩入大埔、大尾篤= =””

可能係因為一接近科學園就會有種返工o既感覺掛（討厭= =”）

辭職之後或者會無咁抗拒啦= =”””

題題外話：

科學園d餐廳出晒名難食，

又少選擇，又隔涉去唔到其他區食晏=
=

終於可以擺脫頹lunch生活= =”””

最初科學園返工，開心畫o既畫... （桃花依舊，人事全非...）

Like my Facebook page=]

LiuPay

宣傳你的專頁